မြန်မာနိုင်ငံ၏အမျိုးသား ပို့ကုန်မဟာဗျူဟာ၅နှစ်စီမံကိန်း ပထမအကြိမ်ကို ၂၀၁၆ခုနှစ်တွင် စတင်ခဲ့ပြီး ယခုဒုတိယအကြိမ်NES ၅နှစ်စီမံကိန်းအဖြစ် အကောင်ထည်ဖော်ရေးဆွဲဆောင်ရွက်ခြင်း ဖြစ်ကာ ယင်း၅နှစ်အတွင်း တန်ဖိုးမြင့်ကုန်ပစ္စည်း ထုတ်လုပ်ရောင်းချခြင်းများ၊ စျေးကွက်တွင် ပိုမိုနေရာ ရစေမည့် လယ်ယာစိုက်ပျိုးရေးနှင့်ဝန်ဆောင်မှု များပါဝင်သည့် တင်ပို့ကုန်အမျိုးအစားများ အမျိုးမျိုးဖြစ်ပေါ်စေရန် အဓိကရည်ရွယ်ထားကြောင်းသိရသည်။
NES ၂၀၂၀-၂၀၂၅ တွင် အဓိကဦးစားပေးအနေဖြင့် လယ်ယာထွက်ကုန်ပစ္စည်း အခြေခံစားသောက်ကုန် ထုတ်လုပ်ခြင်း ကဏ္ဍ၊အထည်အလိပ်နှင့် အဝတ်အထည် ကဏ္ဍ၊ စက်မှုနှင့်လျှပ်စစ်ပစ္စည်းကဏ္ဍ၊ရေထွက်ကုန်လုပ်ငန်းကဏ္ဍ၊ သစ်တောထွက်ပစ္စည်းကဏ္ဍ၊ဒစ်ဂျစ်တယ်ထုတ်ကုန်များနှင့် ဝန်ဆောင်မှုကဏ္ဍ၊ ထောက်ပံ့ပို့ဆောင်ရေး ဝန်ဆောင်မှုကဏ္ဍ၊ အရည်အသွေးစီမံခန့်ခွဲမှုကဏ္ဍ၊ ကုန်သွယ်မှုသတင်းအချက်အလက် ဝန်ဆောင်မှု ကဏ္ဍ၊တီထွင်ဆန်းသစ်မှုနှင့်စွန့်ဦးတီထွင် ဆောင်ရွက်ခြင်းကဏ္ဍ စသည့် ကဏ္ဍကြီး၉ခု၏ စီးပွားရေးကဏ္ဍများပိုမိုတိုးတက်လာအောင်ဆောင်ရွက်သွားမည်ဖြစ်ကြောင်းသိရသည်။
ယင်းပို့ကုန်လုပ်ငန်း ဖွံ့ဖြိုးရေးအစီအစဥ် ၏ဦးစားပေးဆောင်ရွက်ချက်များကို အထောက်အကူပြုနိုင်ရန်အတွက် လိုအပ်သည့် ဖော်ဆောင်မှုများကို ဥရောပသမဂ္ဂ(EU)၊ ဗြိတိန်နိုင်ငံ နိုင်ငံတကာဖွံ့ဖြိုးရေးဌာန (DFID )၊ အမေရိကန် နိုင်ငံတကာဖွံ့ဖြိုးရေးအေဂျင်စီ (USAID )၊ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ(JICA)နှင့် ကုလသမဂ္ဂ ဖွံ့ဖြိုးတိုးတက်မှုအစီအစဥ် (UNDP )တို့မှလည်း ကူညီပေးသွားမည်ဖြစ်ကြောင်း သိရသည်။
သီရိနွယ် (သတင်း၊ဓါတ်ပုံ)
No comments:
Post a Comment