အဆိုပါ ဘက်စုံစီမံကိန်း အကောင်ထည်ဖော်လုပ်ဆောင်နေမှုများနှင့်ပတ်သက်၍ နို၀င်ဘာ၁ရက်နေ့က ဒုတိယသမ္မတ ဦးဟင်နရီဗန်ထီးယူ ကိုယ်တိုင် သွားရောက်စစ်ဆေးကြည့်ရှု့ခဲ့သည်။
ဘက်စုံစီမံကိန်းသည် လက်ရှိမြေဧက ၉၀၀ ပေါ်တွင် အကောင် အထည်ဖော်ဆောင်ရွက်လျက်ရှိပြီး အလုပ်အကိုင် အခွင့်အလမ်း ၂၀၀၀ ကျော် ဖန်တီးပေးနိုင်ကြောင်း၊ စီမံကိန်း ပြီးစီးမည့် နောက်(၅)နှစ်တွင် အလုပ်အကိုင် ၆၀၀၀ ကျော် ဖန်တီးပေးနိုင်မည်ဖြစ်ပြီး ထုတ်လုပ်မှုတန်ဖိုးမှာ အမေရိကန်ဒေါ်လာ ၃ဘီလီယံ ကျော်ရှိမည်ဟု ခန့်မှန်းသဖြင့် အရှေ့တောင်အာရှတွင် အကြီးမားဆုံး ငါးမွေးမြူရေး စီမံကိန်းတစ်ခု ဖြစ်လာမည်ဖြစ်ကြောင်း သိရသည်။
စီမံကိန်းတွင် ပါဝင်သည့်လုပ်ငန်းစဉ်များ အနေဖြင့် ငါးသားပေါက် စခန်းတည်ထောင်ခြင်း၊ အသားတိုးမွေးမြူခြင်း၊ ငါးပြုပြင်ထုတ်လုပ်မှုနှင့် အခဲခံစက်ရုံ နှင့် အအေးခန်းသိုလှောင်ရုံတည်ဆောက်ခြင်း၊ ငါးပေါင်းမှုန့်စက်ရုံ တည်ဆောက်ခြင်း၊ ငါး အစာ စက်ရုံ တည်ဆောက်ခြင်း၊ ငါးရောဂါ၊ ရေအရည်အသွေး၊ အစာအရည်အသွေး၊ မျိုးရိုးဗီဇ၊ အစားအသောက်နှင့် ပတ်သက်သည့် လုပ်ငန်းများ စမ်းသပ်ရန် ပါဝင်သော Laboratory တည်ဆောက်ခြင်း၊ ဝန်ထမ်းအိမ်ရာနှင့် ရုံးအဆောက်အဦ ဆောက်လုပ် ခြင်း၊ လမ်းနှင့် လုံခြုံရေးစနစ်၊ ခြံစည်းရိုးများ တည်ဆောက်ခြင်း၊ အရောင်းစင်တာများ ဖွင့်လှစ်ခြင်းနှင့် CSR အနေဖြင့် ဝန်ထမ်းမိသားစုများ စားဝတ်နေရေး၊ လူမှုရေး၊ ပညာရေး၊ ကျန်းမာရေး အပြင် စီမံကိန်းအနီးရှိ ကျေးလက်ဒေသတောင်သူလယ်သမား ငါးမွေးမြူတောင်သူများ နည်းပညာများဖြန့်ဝေခြင်းလုပ်ငန်းများ ဆောင်ရွက်သွားမည် ဖြစ်ကြောင်း သိရသည်။
သီရိနွယ်
ပုံ - MPO
No comments:
Post a Comment